NewsInternational

ایران: حجاب قوانین کی عدم پاسداری پر واٹر پارک بند کردیا گیا

تہران: ایران میں ایک بڑے واٹر پارک کو حجاب قوانین پر عمل درآمد نہ کرا پانے کے باعث بند کردیا گیا۔

عالمی خبر رساں ادارے کے مطابق ایران کے شہر مشہد میں دنیا کے بڑے انڈرو واٹر پارکس میں سے ایک بڑے واٹر پارک میں سیر و تفریح کے لیے آنے والوں کو حکومتی اہلکاروں نے نکال کر مرکزی دروازوں کو بند کردیا۔

حکومتی اہلکاروں نے بتایا کہ واٹر پارک کو حجاب قوانین کی پاسداری نہ کرنے پر بند کیا گیا ہے جس کے لیے پارک انتظامیہ کو کئی بار تنبیہ بھی کی گئی تھی جس پر کان نہ دھرا گیا۔

دوسری جانب پارک انتظامیہ کا کہنا ہے کہ ہم پارک میں آنے والوں کو انفرادی طور پر بھی حجاب کی پابندی کرنے کی یاد دہانی کراتے ہیں اور ایسا نہ کرنے والوں کو پارک سے نکال دیا جاتا ہے۔

پارک کے ڈائریکٹر محمد بابائی نے یہ بھی کہا کہ یہاں ایک ہزار سے زائد ملازمین ہیں جن کے بیروزگار ہونے کے خدشات بڑھ گئے ہیں۔

یاد رہے کہ افغانستان میں بھی طالبان حکومت نے حال میں قومی نیشنل پارک کو بھی حجاب کی پابندی پر عمل درآمد کرانے میں ناکامی پر بند کردیا تھا۔

Related Articles

Leave a Reply

Your email address will not be published. Required fields are marked *

Check Also
Close
Back to top button